1971 թվականից ի վեր հնդկական կողմը առաջին անգամ հատել էր սահմանային գիծը Պակիստանի հետ և ռմբակոծել Քաշմիրի պակիստանյան հատվածում գտնվող ահաբեկչական խմբավորման բազաներից մեկը` ի պատասխան փետրվարի 14-ին Փուլվանայում իրականացված ահաբեկչության, որի արդյունքում զոհվել է անվտանգության 40 աշխատակից: Այս դեպքին հաջորդել է Պակիստանի օդային տարածքում հայտնված հնդկական ՄԻԳ-21-ի խոցումը, որի արդյունքում հնդիկ օդաչուն գերեվարվել, այնուհետև վերադարձվել է հնդկական կողմին: Պակիստանը այս քայլը որպես «խաղաղության ժեստ» է ներկայացնում: