«Իմ քայլի» պատգամավոր Անուշ Բեղլոյանը օնլայն կոնֆերանսի ընթացքում նշել էր. «Մենք պետք է առաջ նայենք, չվերադառնանք անվերջանալի քննարկումներին՝ ով է եղել առաջինը, ում պատմական հողն է, որովհետև, ինչպես դուք գիտեք, հայերը հավասարը չունեն պատմական սկզբնաղբյուրներին և գրողներին հղում անելու հարցում։ Երկու կողմն էլ զբաղվել է դրանով 30 տարի, և դա մեզ բերել է պատերազմի»: Այնուհետև լրագրողների հետ զրույցում փորձելով պարզաբանել իր խոսքերը Բեղլոյանը նշել է, որ «մենք 30 տարի բանակ չենք ունեցել», իսկ այնուհետև Շուշին «Շուշա» էր անվանել: Բեղլոյանի այս պահվածքը զայրույթ է առաջացրել քաղաքացիների շրջանում, ովքեր նշում էին, որ Բեղլոյանի խոսքերը ոչ միայն հարիր չեն Ազգային ժողովի պատգամավորին, այլև Բեղլոյանը փոխարենը պաշտպանի Հայաստանի շահերը, սպասարկում է թուրք-ադրբեջանական քարոզչական օրակարգը: