«Ձյունը մաքրելու համար է՞լ ռուս խաղաղապահներին դիմենք». Համացանցը քննարկում է ձյունից չմաքրված Երևանի վիճակը, վթարներն ու Մարությանի անգործությունը

Երեկվանից Երևանում և մարզերում ձյուն է տեղում: Մայրաքաղաքի փողոցներում ձնամաքրման աշխատանքները պատշաճ մակարդակով չեն կատարվել, ինչը դժվարություններ և վթարային իրավիճակ է ստեղծել երթևեկության համար: Մայրաքաղաքի փողոցներում տիրող անմխիթար իրավիճակի կապակցությամբ իրենց դժգոհությունն են արտահայտել հասարակական-քաղաքական գործիչները և համեմատություններ անցկացրել Երևանի նախկին քաղաքապետ Տարոն Մարգարյանի ղեկավարման ժամանակ քաղաքացիների արձագանքների և այժմյան արձագանքների միջև: