Յուրաքանչյուր քաղաքական ուժ իշխանության համար պայքարի ընթացքում ներկայացնում է պետության զարգացման իր հեռանկարները, որոնք արտահայտվում են նախընտրական ծրագրում՝ խոստումների միջոցով։ Սակայն, ոչ միշտ է, որ իշխանություն ձեռք բերած քաղաքական ուժին հաջողվում է իրականացնել նախընտրական ծրագրում տեղ գտած խոստումները, ուստի ապահովելու համար ընտրազանգվածի հետագա աջակցությունը, այն սկսում է սահմանված հեռանկարները արհեստականորեն ներկայացնել որպես իրականություն։ Քաղաքագիտության մեջ այս եզրույթը հայտնի է քաղաքական պատմվածք անվանմամբ (political narrative)։