Շատերը չգիտեն, բայց ասեմ, որ տեսախցիկի առաջ տարիներ շարունակ «քաղաքացիական ակտիվիստ» խաղացած Խանդանյան Սարգիսը՝ արևմտյան դրամաշնորհներից սնված հերթական նախագծային կերպարն էր, ով այսօր, մի ձեռքի շարժումով , ԱԺ արտաքին հարաբերությունների հանձնաժողովի նախագահն է։ Հիշյալ պերսոնաժի այսօրվա ԱԺ ելույթն ավելի շատ հիշեցնում էր քարոզչական մանիֆեստ, հակաքարոզ քան զուտ քաղաքական գնահատական։ Նրա ելույթի առանցքային շեշտադրումներն ուղղված էին մեկ հիմնական նպատակի՝ ՀՀԿ-ի՝ որպես պատմական ու պետականորեն արդյունավետ ուժի լիակատար վարկաբեկմանը։ Սակայն սա արվում է նոր, արևմտյան սցենարով՝ հանրությանն առաջարկելով ոչ թե քաղաքական այլընտրանք, այլ՝ պատմական հիշողության խզում և ինքնության աղճատում։