«Փաստ» օրաթերթը գրում է. Արցախի ռազմաքաղաքական ղեկավարության և այլ գերիների նկատմամբ Բաքվում իրականացվող ապօրինի շոու-դատավարությունը Հայաստանի հանրության ներկայիս ամենացավոտ հարցերից մեկն է: Ընդ որում, բնակչությունը հոռետեսորեն է տրամադրված Հայաստանի իշխանությունների կողմից նրանց ինչ-որ կերպ օգնելու, աջակցելու հարցում. ի մասնավորի, 42 տոկոսը կարծում է, որ օգնություն ընդհանրապես չկա, իսկ 23 տոկոսը կարծում է, որ եթե կա էլ, ապա արդյունավետ չէ: