«Ի՞նչի հասցրեց նիկոլի իշխանությունը․ համատարած հակահայության, ողբերգության, զոհերի, ՀՀ սուվերեն տարածքների եւ Արցախի կորստի։ Արցախը, որը դարեր շարունակ եղել է մեր ազգային ինքնության անբաժան մաս, այժմ, այս վայ-իշխանության կողմից վերածվել է քաղաքական առուծախի առարկայի։ Այն օրերին, այն ժամանակ, երբ մեր հերոսները Արցախում արյուն էին թափում հայրենի հողի, մեր դարավոր հայրենիքի պաշտպանության համար, Փաշինյանն ու իր թիմը ողորմելի առեւտրականի պես սեղանի շուրջ համաձայնում էին ազգադավ պարտության հետ։ Դե, իսկ չարաբաստիկ պատերազմից հետո ոչ մի իրական քայլ չի ձեռնարկվել Արցախի ժողովրդի պաշտպանության, վերադարձի և ինքնիշխանության վերականգնման համար։