«Հրապարակ» օրաթերթը գրում է․ Հայաստանն ազգային անվտանգության նոր ռազմավարություն է ունենալու։ Վարչապետի որոշմամբ, նախորդ ռազմավարությունն ընդունվել էր 2020 թվականի պատերազմից երկու ամիս առաջ: Հիմա որոշել են այն վերանայել, եւ դրա մշակման աշխատանքները համակարգող հանձնաժողով է ստեղծվել։ Այն ղեկավարելու է Անվտանգության խորհրդի քարտուղար Արմեն Գրիգորյանը։ Հանձնաժողովի կազմում ընդգրկված են մի շարք գերատեսչությունների ղեկավարի տեղակալները, ինչպես նաեւ՝ փոխվարչապետ Մհեր Գրիգորյանի գրասենյակի ղեկավարը, փոխվարչապետ Տիգրան Խաչատրյանի խորհրդականը, ԱԺ պաշտպանության եւ արտաքին հարաբերությունների մշտական հանձնաժողովների նախագահները, ԶՈՒ ԳՇ պետը։