Այսօր լրանում է Գարեգին Նժդեհի մերձավոր գաղափարակից`Հայկ Ասատրյանի ծննդյան 125-ամյակը՝ հայ քաղաքական մտքի և ազգային գաղափարախոսության հիմնադիրներից մեկի, ում գաղափարական ժառանգությունը պարտադիր է յուրաքանչյուր գիտակից հայի համար։ Հայկ Ասատրյանը ազգային-պետական մտածողության ձևավորման և ամրապնդման հիմնադիրներից էր։ Նրա գաղափարախոսությունը հիմնված էր ազգային ինքնիշխանության, պետականության և համահայկական միասնության վրա։ Նա ազգային պետության կայունության գլխավոր երաշխիքը համարում էր գաղափարական հստակ ուղենիշներով առաջնորդվող պետությունը, որտեղ ազգային արժեքները ոչ թե երկրորդական, այլ պետական քաղաքականության հիմքն են։