Այսօր, Գալուստ Սահակյանի մահվան տարելիցի կապակցությամբ, խորին հարգանքով և երախտագիտությամբ հիշում ենք նրա թողած անգնահատելի ժառանգությանը. այս մասին գրում է ՀՀԿ Երիտասարդական կազմակերպության ղեկավար Հենրիխ Դանիելյանը: «Հայաստանի Հանրապետական կուսակցության ականավոր գործիչ և ՀՀ Ազգային ժողովի նախկին նախագահ Գալուստ Սահակյանը ոչ միայն նվիրում էր իր կյանքը պետականաշինությանը, այլև փոխանցում էր սերունդներին արժեքներ և սկզբունքներ, որոնք մինչ օրս ուղենիշ են մեր երիտասարդության համար։ Նա մշտապես կարևորում էր երիտասարդների դերը քաղաքականության մեջ՝ նրանց սովորեցնելով մնալ հավատարիմ ազգային գաղափարներին և նպաստել պետության հզորացմանը։