«Հրապարակ» օրաթերթը գրում է. «Ուղիղ 10 օր է, ինչ մեկնարկել է ԵՄ-ին անդամակցության հանրաքվեի հարցով ՀՀ արեւմտամետների նախաձեռնած ստորագրահավաքը, սակայն տեմպերը, մեզ հասած տեղեկություններով, բավարար չեն, եւ նախաձեռնողները բավականին ընկճված են։ ՀՀ քաղաքացիների փոքր մասն է հետաքրքրված դրանով, եւ դրանով է պայմանավորված, որ մինչ օրս թիվ չեն հրապարակել, թե ինչքան մարդ է ստորագրել «Եվրաքվեի» փաստաթուղթը: Սրա մասին է վկայում նաեւ վարչական շրջաններում բացված կենտրոնների սակավամարդ պատկերը` հատուկենտ մարդիկ են գալիս ստորագրելու։