Հուլիսի 31-ին Հայ Առաքելական Սուրբ եկեղեցու Գուգարաց թեմի «Ծիծեռնակ» ճամբարում մեկնարկեց հերթական ամենամյա ամառային ճամբարային տարին։ Ճամբարը հիմնադրվել է Գուգարաց թեմի երջանկահիշատակ առաջնորդ Սեպուհ արքեպիսկոպոս Չուլջյանի նախաձեռնությամբ և ջանքերով։ Այս մասին տեղեկանում ենք ՀՀԿ հոգևոր-մշակութային և գիտակրթական հանձնաժողովից։ Այն այս տարի բարեկարգվել և նորոգվել էր Գուգարաց թեմի և անձամբ նրա առաջնորդ՝ Հովնան եպիսկոպոս Հակոբյանի ջանքերի շնորհիվ՝ հայ բարեպաշտ մարդկանց աջակցությամբ։ Ճամբարի բացումը իր ներկայությամբ պատվեց և ճամբարականներին ու ներկաներին օրհնության խոսք հղեց Գուգարաց թեմի Գերաշնորհ հոգևոր առաջնորդը։