Հայոց Հայրապետը երիտասարդներին հորդորել է ամուր հավատքով կապված մնալ Մայր Եկեղեցուն, ծառայել Հայրենիքին և լինել ազգի արժանավոր զավակներ

Հուլիսի 12-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Արագածոտնի թեմի Եկեղեցասեր երիտասարդաց միությունների անդամներին՝ առաջնորդությամբ թեմի Եկեղեցասեր երիտասարդաց միությունների պատասխանատու Արժանապատիվ Տ․ Փառեն քահանա Առաքելյանի։ Ներկայացնելով ուխտավոր հայորդիներին՝ Տեր Հայրը նշել է, որ երիտասարդներն այցելել են Մայր Աթոռ Սուրբ Էջմիածին ստանալու Հայոց Հայրապետի օրհնությունը։