Շատ կարևոր է, որ այս քննարկումները խոսեն վերջնարդյունքի մասին՝ ինչ ենք ուզում անել, ինչ ենք կառուցելու, որն է այս ամենի վերջնարդյունքը։ Այս մասին Դիվանագետների համահայկական խորհրդի նախաձեռնած կլոր սեղան-քննարկմանն ասաց «Սրբազան պայքար»-ի առաջնորդ Բագրատ արքեպիսկոպոս Գալստանյանը: Նրա խոսքով՝ այն, ինչ իրենք հիմա խոսում են, ամեն օր էլ կխոսեն, բայց քննարկումը պետք է միտված լինի տանելու ինչ-որ բանի։ «Խնդրում եմ, որ բոլորի միտքը լինի այն, թե այս քննարկումների միջոցով ինչ ենք կառուցելու՝ թե՛ տեսական, թե՛ գործնական իմաստով, բնականաբար՝ գործնականը բխած լինելով տեսականից»,- նշեց նա։