Երեկ՝ սեպտեմբերի 3-ին, վաղ առավոտից մամուլում տեղեկություններ շրջանառվեցին այն մասին, որ Հայաստանի իշխանությունները ապաստան են տրամադրել ռուս քաղաքական գործիչ Վիտալիյ Շիշկինին։ Վերջինս այդ մասին տեղեկացրել էր իր ֆեյսբուքյան էջում՝ նշելով, որ շնորհակալ է Հայաստանին իրեն որպես Ռուսաստանում քաղաքական դրդապատճառներով հետապնդվող քաղաքական գործչի փախստականի կարգավիճակ տրամադրելու համար։