Այո՛, սպասելի էր Սերժ Սարգսյանի արդարացման դատական ակտը, լրագրողների հետ զրույցում ասաց ՀՀ երրորդ նախագահի փաստաբան Ամրամ Մակինյանը։ «Մենք բազմիցս ենք ասել, որ գործում ապացույցներ չկան։ Այս պայմաններում, համոզված ենք, որ արդարացման դատավճիռը նաև դատավորի համար էր դժվար, բայց փառք ու պատիվ դատավորին, որ կարողացավ այս աներևույթ ճնշման ներքո բարձր պահել դատավորի իր պատիվը և արդարադատություն իրականացնել»,-ավելացրեց նա։