Մեղրի-Ծավ հատվածից քարերը հեռացվել են, երթևեկությունը երկկողմանի վերականգնվել է

Ինչպես հայտնել ենք, Մ-17 ավտոճանապարհի Մեղրի-Ծավ հատվածի 33-րդ կմ-ին տեղի էր ունեցել քարաթափում, ինչի հետևանքով երթևեկությունը երկկողմանի փակվել էր: ՆԳՆ փրկարար ծառայությունից հայտնում են, որ դեպքի վայր էր մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։ Պարզվել էր, որ ավտոճանապարհի մոտակա ժայռից տեղի էր ունեցել քարաթափում (մոտ 50-60 խմ), ինչի հետևանքով երթևեկությունը երկկողմանի փակ էր։