«Քաղաքացիական գիտակցություն» ՀԿ-ի նախագահ, AntiFake.am-ի հիմնադիր, «Իմնեմնիմի» փոդքասթի համահեղինակ Նարեկ Սամսոնյանն իր ֆեյսբուքյան էջում գրառում է արել, որին կից հրապարակել է համատեղ լուսանկար «Իմնեմնիմի» փոդքասթի համահեղինակ Վազգեն Սաղաթելյանի և Բագրատ Սրբազանի հետ։ Գրառման մեջ մասնավորապես ասվում է․ «Ժողովուրդ ջան, երկամսյա ապօրինի կալանքից հետո առաջին գրառումս ուզում եմ սկսել մեծագույն շնորհակալություններով բոլոր էն մարդկանց, որոնք էս ընթացքում իրենց աջակցությամբ մեզ ջերմացրել են: Էդ ջերմությունը ցանկացած քաղբանտարկյալի համար անհրաժեշտ առանցքային նշանակություն ունի ու մենք երևի էս ընթացքում ստացել ենք էդ ջերմության ամենամեծ չափաբաժիններից մեկը: Մեր ընկերներից մինչև շարքային քաղաքացիներ, մեր քաղաքական համախոհներից մինչև մարտավարական հակասություններ ունեցողներ մեր կողքին են եղել էս 2 ամսվա ընթացքում: