«Հրապարակ» օրաթերթը գրում է. «Առաջիկա 2 շաբաթներին ԱԺ-ում բուռն իրադարձություններ են սպասվում, վաղվանից մեկնարկում են հերթական նիստերը, իսկ ԱԺ խորհրդի հաստատած օրակարգը մատնում է ՔՊ-ի վախերը, օրակարգում ընդամենը 19 հարց է, որից 7-ը՝ երկրորդ ընթերցման: Ակնհայտ է, որ ՔՊ-ն հակված է հնարավորինս արագ ավարտել աշխատանքները՝ խուսափելով ժողովրդի հետ առերեսումից: Իսկ եկող չորեքշաբթի ԱԺ հանձնաժողովներում կմեկնարկեն 2023-ի բյուջեի կատարողականի քննարկումները, որին կմասնակցի Նիկոլ Փաշինյանը։