Անխուսափելի է այն գնահատականը, որ քաղաքական հետապնդման և քաղաքական հիմքով կալանավորված անձինք առկա են և հակառակի մասին որևէ հիմնավորում չի ներկայացվում: Այս մասին այսօր ԱԺ-ում ՀՀ ՄԻՊ-ի տարեկան զեկույցի քննարկման ժամանակ հայտարարեց «Հայաստան» խմբակցության քարտուղար Արծվիկ Մինասյանը՝ անդրադառնալով նրան, որ Հայաստանում անազատության մեջ գտնվող անձանց 50 տոկոսը կալանավորված է: Նկատելով, որ իշխանությունները հայտարարում են, թե Հայաստանում չկան քաղաքական կալանավորներ՝ Մինասյանը դիմեց ՔՊ-ական պատգամավորներին և նշեց, որ հնարավոր չէ հիշել մի երկիր, որի իշխանությունը հայտարարի, թե իր մոտ քաղբանտարկյալներ կան: