Իրավունքի TV-ի տաղավարում հյուրընկալվել է Քաղաքացիական Գիտակցություն ՀԿ վարչության անդամ` Antifake.am կայքի լրագրող Դավիթ Ֆիդանյանը: Հաղորդման ընթացքում Դավիթ Ֆիդանյանը խոսել է քաղաքական բանտարկյալ` Antifake.am կայքի հիմնադիր, Իմնեմնիմի փոդքասթի համահեղինակ Նարեկ Սամսոնյանի և քաղաքական բանտարկյալ Իմնեմնիմի փոդքասթի համահեղինակ Վազգեն Սաղաթելյանի ձերբակալության և կալանավորման մասին: Ֆիդանյանի խոսքվ տեղի ունեցողը դասական քաղաքական հետապնդում է և իշխանությունները Իմնեմնիմիիի գործի շրջանակներում փորձ են անում վերակենդանացնել Ծանր վիրավորանքի հոդվածը: Ֆիդանյանը խոսելով գործիչների ձերբակալության կադրերի մասին` նշել է, որ Հայաստանի ոստիկանության և ադրբեջանական Յաշմայի միջև որևէ տարբերություն չի տեսնում: «Քաղաքական բանտարկյալ Նարեկ Սամսոնյանի ձերբակալության կադրերը տեսնելիս ինձ մոտ տպավորություն էր, որ ադրբեջանական Յաշման հասել է Երևան»-նշել է նա: