Այսօրվա Հայաստանի իշխանությունների շարժիչ ուժը վախն է։ Իրանց մեջ վախը սպանելու համար իրենք դաժան են վարվում այլոց նկատմամբ։ Այս մասին «Իմնեմնիմի» փոդքասթի 86-րդ թողարկման ընթացքում ասաց ռազմական փորձագետ, պահեստազորի գնդապետ Հայկ Նահապետյանը։ «Իրենց շարժիչ ուժն իրենց ներքին վախերն են, որովհետև այդ այլանդակությունները, որ արվում են, վախերի հետևանք է։ Նարեկին պառկեցնելը իրենց ներքին մեծ վախերի մասին է խոսում»,– ասաց Նահապետյանը։