«Ժողովուրդ» օրաթերթը գրում է․ «2018 թվականի ապրիլի 15-ին Երեւանի Ֆրանսիայի հրպարակում կայացած հանրահավաքի ժամանակ Նիկոլ Փաշինյանը հայտարարեց. «Հայաստանում պետք է ձեւավորվի ունիվերսալ հակակոռուպցիոն մարմին, որի ղեկավարի պաշտոնի առաջադրում կարող է անել միայն ընդդիմությունը»: Այս խոստումը ծայրից ծայր սուտ դուրս եկավ: Ժողովուրդ օրաթերթը ուսումնասիրեց իրավիճակը եւ արձանագրում է, որ 24․03․2021թ․-ին, «Ազգային ժողովն ընդունեց օրենք հակակոռուպցիոն կոմիտեի մասին»։ Օրենքում նշված չէր, որ պետք է կոմիտեի ղեկավարի պաշտոնում թեկնածություն առաջադրի ընդդիմությունը։ Օրենքն ընդունվեց միայն ՔՊ-ականների 80 կողմ, 38 դեմ, 2 ձեռնպահ ձայներով։