Իսրայելի պաշտպանության բանակը (ԻՊԲ) վերահսկողություն է հաստատել Գազայի «Աշ Շիֆա» հիվանդանոցի վրա այն բանից հետո, երբ հետախուզական տվյալներ են ստացվել, որ ՀԱՄԱՍ-ի զինյալները հարձակում են նախապատրաստում հիվանդանոցի տարածքից: «Արմենպրես»-ի փոխանցմամբ՝ այդ մասին գրում է The Times of Israel-ը։ Ավելի վաղ ԻՊԲ-ի ներկայացուցիչ Դանիել Հագարին հայտնել էր, որ բանակը «մեծ ճշգրտության գործողություն է իրականացնում Շիֆա հիվանդանոցի սահմանափակ տարածքում՝ ստանալով կոնկրետ հետախուզական տվյալներ, որոնք անհապաղ արձագանք էին պահանջում»: