Թուրքիայի արևմուտքում՝ Չանաքքալե նահանգում, 4,6 մագնիտուդ ուժգնությամբ երկրաշարժ է տեղի ունեցել: Այս մասին հայտնում է Տարերային աղետների կառավարման ազգային վարչությունը (AFAD): 4,6 մագնիտուդով ցնցումը տեղի է ունեցել տեղական ժամանակով ժամը 16.09-ի սահմաններում, օջախը գտնվել է Բեյփինար գյուղի մոտ՝ մոտ 7 կիլոմետր խորության վրա։ Իր հերթին Քանդիլլի աստղադիտարանի սեյսմոլոգները երկրաշարժի ուժգնությունը գնահատել են 4,5 մագնիտուդ: