Երեկ՝ փետրվարի 26-ին, ավտովթար է տեղի ունեցել Արմավիրի մարզում։ Ժամը 21:50-ի սահմաններում Վաղարշապատ քաղաքի Սպանդարյան - Նալբանդյան փողոցների խաչմերուկում բախվել են Արմավիրի մարզի բնակիչ, 49-ամյա Արսեն Կ.-ի վարած Toyota մակնիշի և Արցախի Հանրապետության քաղաքացի, 24-ամյա Արթուր Գ.-ի վարած Opel մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների վթարի հետևանքով, բարեբախտաբար, տուժածներ չկան։