Մի օր էլ Նիկոլ Փաշինյանը կասի` ինչո՞ւ եք խրոխտ կանգնել ձեր հողում` կզեք: Այս մասին Ազգային ժողովում հայտարարությունների ժամին ասաց «Պատիվ ունեմ» խմբակցության ղեկավար Հայկ Մամիջանյանը։ «Կզեք ու կզած ապրեք: Հետո կասեն` այդ ի՞նչ զենք է կողքիդ ամրացված պաշտպանվելու համար, հանի ու, առհասարակ, գոտին էլ հանի, որ զենք չկարողանաս կրել: Հետո ասելու են` այդ ի՞նչ խաչ է վզիդ, հանի, այդպես ավելի հեշտ է լինելու ապրելդ, հետո էլ ասելու են` դու մի հիշի, որ պատմություն ունես, հզոր ես եղել, մոռացի, դրանք քեզ պետք չեն, այդպես ավելի հեշտ կապրես, հետո մի պահ էլ կասեն` այդ ի՞նչ լեզվով ես խոսում, ուրիշ լեզվով խոսես` ավելի հեշտ ես ապրելու»,- հայտարարեց Մամիջանյանը: