Նա ստում է, նա պայծառատես չէ, որպեսզի ենթադրություններ անի ապագայի մասին։ Մենք հստակ ասել ենք, որ ունենք բոլոր փաստաթղթերը, թող նա ցույց տա մի փաստաթուղթ, որտեղ իր ասածը տեղ է գտել և թող ասի՝ այ սրանով փակվել է ԼՂ խնդիրը։ Գոյություն ունեն փաստաթղթեր, ըստ որոնց, ԼՂ վերջնական կարգավիճակը որոշվում է ազատ կամաարտահայտությամբ։ Մենք ինչ ասում ենք, փաստարկում ենք փաստաթղթերով։ Այս մասին դատական նիստից հետո լրագրողներին ասաց ՀՀ երրորդ նախագահ Սերժ Սարգսյանը՝ պատասխանելով հարցին, որ ԼՂ–ն որևէ փաթեթով չէր ենթադրվում կարգավորել, և որ 2016-ից հետո արդեն իսկ պետականության լուծարման խնդիրը դրված էր։