Երեկ կառավարության նիստին, ի պատասխան ՀՀ վարչապետ Նիկոլ Փաշինյանի այն մտահոգությանը, թե ձգձգվում են կոռուպցիոն գործերով իրական արդյունքները, Հակակոռուպցիոն կոմիտեի նախագահ Սասուն Խաչատրյանը հայտարարել է. «Մենք հիմա քրեական գործ ունենք՝ դատարան ուղարկված՝ մոտ 20 մլն դրամի կաշառքի դիմաց, ՊՆ-ի իրային պահեստի հրամանատարի վերաբերյալ։ Այդ քրեական գործը դատարանը վարույթ ընդունելուց հետո բոլոր մեղադրյալներին կալանքից ազատել է։ Ես ամենեւին չեմ ուզում քննարկել դատարանի որոշումը, բայց մենք ունենք իրավիճակ, երբ, որպես պրակտիկա, կալանքի տակ չգտնվելու դեպքում դատական նիստերը տարիներով ձգձգվում են. դա խնդիր է»։ Եւ, ահա, դատական դեպարտամենտը՝ ի դեմս Կարեն Անդրեասյանի, հրապարակային պատասխան է տալիս Սասուն Խաչատրյանին եւ մի բան էլ կասկածի տակ դնում Հակակոռուպցիոն կոմիտեի քննիչների աշխատանքը. «Խոսքն ակնհայտորեն վերաբերում է Հակակոռուպցիոն դատարանում քննվող զինվորական համազգեստների վերաբերյալ քրեական գործին, որում ներգրավված են եղել չորս մեղադրյալներ: