2020 թվականին պանդեմիայի շրջանում սորոսականները ՔՊ-ի հետ ստեղծեցին մի օրենքի հոդված, որով կփորձեին Նարեկ Մալիանին և նրա նման մարդկանց լռեցնել։ Այս մասին այսօր՝ նոյեմբերի 15-ին դատարանի բակում հայտարարեց Մալյանի պաշտպան Տիգրան Աթանեսյանը։ «Մենք ականատեսն ենք դասական քրեական հետապնդման և սա խայտառակություն է․ պարզապես հաշվեհարդար։ Գործող իշխանությունը հասկանում է, որ ազգային դավաճանություն է գործել ու բերել է մեզ ազգային աղետի ու հիմա փորձում է լռեցնել բոլորին, զսպել հասարակության զայրույթը, և այս գործը դրա վառ ապացույցն է։ Ինչ վերաբերում է քրեական օրենսգրքում տեղ գտած նորմին, ապա այն խայտառակություն է, քանի որ ասում է «բռնության կոչ՝ կապված մի խումբ անձանց քաղաքական կամ այլ հայացքների հետ», այսինքն սա ինչ է նշանակում, որ օրինակ՝ գորշ գայլերի ներկայացուցիչները Հայաստանում պաշտպանվում են այդ հոդվածով, կամ մանկապիղծները, եթե ակումբ ունենան, պաշտպանվելու են այդ հոդվածով։ Այսինքն, սա սորոսականի երազանք է, ինչքան ստոր հատկություններով մարդիկ կան պիտի պաշտպանվեն այս հոդվածով ու կեղտը տարածեն հասարակության մեջ»,- մեկնաբանեց Աթանեսյանը։