Լիբանանահայ Վիգեն Էուլջեքյանը, ով 2020 թ. 44-օրյա պատերազմից հետո գերեվարվել էր Ադրբեջանի կողմից, առողջական լուրջ խնդիրներ ունի։ Այդ մասին «Արևելք»-ին ասել է Վիգենի կինը՝ Լինտա Իւլճէքեանը։ «Վիգենի կյանքը մազից է կախված։ Վիգենի առողջական վիճակը կտրուկ վատացել է։ Վերջին շրջանում հազվադեպ ենք կապնվում Վիգենի հետ, և այդ ընթացքում պարզ է դառնում, որ առողջական լուրջ խնդիրներ ունի և հարկավոր է վայրկյան առաջ ազատել նրան Բաքվի բանտից»,- ասել է նա։