Այսօր Արցախից բռնի տեղահանված մի խումբ արցախահայեր բողոքի ակցիա էին իրականացնում ՀՀ-ում Արցախի ներկայացուցչության դիմաց՝ պահանջելով հանդիպում նախագահ Սամվել Շահրամանյանի հետ։ Ակցիայի մասնակիցներից մեկը Սամվել Շահրամանյանից հետաքրքրվեց, թե ինչո՞ւ ՀՀ-ում Արցախի ԱԺ պատգամավորներն արտագնա նիստ չեն հրավիրում և լուծարում սեպտեմբերի 20-ին ստորագրած՝ Արցախի լուծարման վերաբերյալ փաստաթուղթը, որը ստորագրվել է պատերազմի սպառնալիքի տակ։