Իսրայելի ռմբակոծությունների հետևանքով զոհված պաղեստինցիների թիվը հասել է 436-ի։ Պաղեստինի առողջապահության նախարարության տվյալներով՝ զոհերի թվում կա 91 երեխա։ Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։