Արցախի նախագահ Սամվել Շահրամանյանի վերջին հրամանագիրն արձանագրում էր հանգամանքը, որ պետական կառավարման համակարգը 2024 թվականի հունվարի 1-ի դրությամբ, արդեն պետք է լինի լուծարված: Ադրբեջանական պահանջն այս հարցի հետ կապված եղել է դեռ մարտական գործողությունների դադարի անմիջապես հաջորդ օրը, սակայն Արցախի իշխանությունները փորձել են բանակցությունների միջոցով մի փոքր ձգել՝ այս դեպքում մի քանի ամիս, որպեսզի հնարավոր լինի հիմնական աշխատանքները՝ թե արցախցիների անվտանգության հետ կապված, թե բազմաթիվ այլ հարցեր, գոնե ավարտին հասցնել։ Այս մասին այսօր՝ սեպտեմբերի 28-ին լրագրողների հետ ճեպազրույցի ընթացքում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը։