Լեռնային Ղարաբաղի նախկին պետնախարար Ռուբեն Վարդանյանի որոշումը՝ հրաժարվել ռուսական անձնագրից, իր անձնական ընտրությունն է, ուստի և Ռուսաստանը չի կարող օգնել նրան դուրս գալ ադրբեջանական գերությունից։ Այս մասին «Ռիա Նովոստի» գործակալությանն ասել է ՌԴ Դաշնային խորհրդի անդամ Ալեքսանդր Բաշկինը։ «Ինքը սեփական կամքով հրաժարվել է ՌԴ քաղաքացիությունից, և, ըստ այդմ, այդ քայլի բոլոր իրավական հետևանքներն իր ընտրության հետևանքն են։ Սրանով էլ պայմանավորված՝ ինքն այժմ չի կարող ստանալ ՌԴ օգնությունը», - ասել է նա։