«Ժողովուրդ» օրաթերթը գրում է. Նիկոլ Փաշինյանի մարզային շրջագայություններն իսկական պատուհաս են դառնում տեղի բնակիչների ու մարզային իշխանությունների համար: Երեւանի ավագանու ընտրությունների քարոզարշավի մեկնարկին զուգահեռ՝ Փաշինյանը մարզային ակտիվ «շրջագայություններ» է սկսել Կոտայք, իսկ վերջին կանգառը Շիրակի մարզն էր, ուր այցելել էր սեպտեմբերի 6-ին: Փաշինյանը եղել էր Գյումրի, Աշոցք եւ Ախուրյան համայնքներում եւ այնտեղ միջոցառումների մասնակցել: «Ժողովուրդ» օրաթերթի տեղեկություններով՝ Փաշինյանի այցի օրը իսկական քաոս է եղել Շիրակում: