Ուրուգվայի նախորդ իշխող քաղաքական ուժը՝ «Լայն ճակատ» կուսակցությունը, հանդես է եկել Արցախին սատարող հայտարարությամբ։ Այդ մասին տեղեկացնում է «Արմենպրեսը»՝ հղում անելով հայտարարության տեքստը հրապարակած կայքին։ «Լայն ճակատ» կուսակցությունը նախ արձանագրել է, որ 2022 թվականի դեկտեմբերից ի վեր Արցախը Հայաստանին կապող Լաչինի միջանցքն արգելափակված է, ինչի հետևանքով 120,000 մարդ ապրում է մեկուսացված, լայնածավալ և արյունալի հումանիտար ճգնաժամի, գոյատևման համար անհրաժեշտ հիմնական պարագաների՝ սննդի, դեղորայքի գրեթե լիակատար բացակայության պայմաններում: