«Հրապարակ օրաթերթը» գրում է․ Դեռեւս հունիսին Արցախի կառավարությունը շրջանառության մեջ էր դրել մի նախագիծ, որով սերտիֆիկատ ստանալուց հետո Արցախից գրավված տարածքներից տեղահանված եւ Հայաստան տեղափոխված անձը շարունակելու է ստանալ 40 հազար դրամական աջակցությունն այնքան ժամանակ, մինչեւ որ բնակարան կամ բնակտարածք ձեռք բերի։ Սա արվելու էր նաեւ ՀՀ սոցապնախարարության համաձայնությամբ։ Խոստանում էին նաեւ, որ բանկերում կմեղմացնեն սերտիֆիկատներով տուն գնելու պահանջները։ Սակայն երրորդ ամիսն է արդեն՝ խոստումը չի կատարվում։