ՀՀ ԱԳՆ մամուլի խոսնակ Անի Բադալյանը թվիթերյան գրառմամբ անդրադարձել է ադրբեջանական լրատվադաշտում տարածվող հերթական հակահայկական քարոզչական հրապարակմանը։ «Ադրբեջանական «լրատվամիջոցների» կողմից տարածված, ատելության խոսքի դասական սահմանման մեջ տեղավորվող հերթական հրապարակումը, որը նույնպես լի է հակահայկական քարոզչությամբ։ Ատելության նման բացահայտ խրախուսումը, որը զուգորդված է տեղում իրականացվող գործողություններով, նաև Լեռնային Ղարաբաղի ամբողջական շրջափակումը, երկարատև ազդեցություն ունեն տարածաշրջանում և դրանից դուրս»,- ասված է ՀՀ արտաքին գերատեսչության ներկայացուցչի գրառման մեջ։