«Փաստ» օրաթերթը գրում է. «ԿԳՄՍ-ն առաջարկում է փոփոխություն կատարել կառավարության 2023 թ.-ի փետրվարի 9-ի N 181-Ն որոշման մեջ: ՀՀ ուսումնական հաստատություններն անցնում են կառավարման նոր մոդելի, այս համատեքստում տնօրենի պաշտոնի հավակնորդը պետք է կազմի հաստատության զարգացման ծրագիրը, ինչից պարզ է դառնալու, թե որքանով է նա պատկերացնում հաստատության զարգացման հեռանկարը, ինչպես է իրականացնելու այն քայլերը, որոնք միտված են լինելու հաստատությունում կրթության որակի բարձրացմանը, նոր չափորոշիչով կրթություն կազմակերպելուն: Տնօրենի թեկնածուների հետ հարցազրույցն իրականացնելու է Կրթության կառավարման պետական լիազոր մարմինը: