Ադրբեջանական կողմը Հադրութի Կավաքավանքի եկեղեցում ամրակայման, վերականգնողական աշխատանքների իրականացման ներքո աղավաղում է եկեղեցու իրական-պատմական տեսքը եւ իրականացնում եկեղեցու, այսպես կոչված, «աղվանացումը»: Արցախի մշակութային ժառանգության մշտադիտարկում իրականացնող monumentwatch.org կայքը գրում է. «Ադրբեջանցի օգտատերերից մեկի կողմից համացանցում տեղադրված տեսանյութերից երևում է, որ օկուպացված Հադրութի շրջանում գտնվող Կավաքավանք վանքային համալիրի տարածքում շինարարական աշխատանքներ են իրականցվում: Վանքը գտնվում է Տողից Վարանդա (Ֆիզուլի) տանող ճանապարհից ձախ՝ հարթավայրից առանձնացող մի բլրի վրա: