Հնդկաստանի հյուսիսում ավելի քան 100 մարդ է զոհվել անձրևների առաջացրած հեղեղումների և սողանքների հետևանքով: Այդ մասին հաղորդում է India Today պարբերականը։ Ամենից շատ տուժել է Հիմաչալ Պրադեշի նահանգը, որը գտնվում է Հիմալայների նախալեռներում: Այստեղ տեղի են ունեցել բազմաթիվ սողանքներ, ջրի տակ են անցել շատ բնակավայրեր։ Նահանգում տարերքի հարվածի հետևանքով զոհվել է մոտ 80 մարդ, անձրևները գործնականում դադարել են, կատարվում են փրկարարական և վերականգնողական աշխատանքներ։ Զոհերից 20-ն էլ Հնդկաստանի հյուսիսային այլ նահանգներում են։