ՀՀ-ում 2018 թվականից շատ կոնկրետ խմբի կողմից տապալված է սահմանադրական կարգը: 2018-ից մինչ օրս ՀՀ Սահմանադրությունը ենթարկվում է բազմատեսակ բռնաբարությունների: Խոսքի ազատությունը ճնշվում է տարատեսակ նորաստեղծ քրեական հոդվածներով (քֆուրի օրենք, բռնության քարոզի օրենք և այլն), բազմակարծությունը դարձել է քրեորեն հետապնդելի արարք, երկրի սահմանների պաշտպանություն, տարածքային ամբողջականություն ու ներքին անվտանգություն հասկացություններից խոսելն անգամ ծիծաղելի է: 2018-ից ՀՀ-ում չի գործում իշխանության ճյուղերի տարանջատման սկզբունքը. օրենսդիրը ենթարկվում է գործադիրին, դատական իշխանությունն ամբողջությամբ ենթարկվում է ոչ թե Սահմանադրությանը այլ երկրի իշխանությունը զավթած դավաճանական ռեժիմին: Ուժային համակարգը հանցավորության դեմ պայքարելու փոխարեն զբաղված է ռեժիմի քաղաքական հակառակորդներին հետապնդելով և ռեժիմի պարագլխի անվտանգությունն ապահովելով: