Հայաստանի գիտության և տեխնոլոգիաների հիմնադրամը (FAST) ՀՀ Կրթության, գիտության, մշակույթի ու սպորտի (ԿԳՄՍ) նախարարության հետ հայտարարել են բաց մրցույթ՝ ավագ դպրոցի բաղադրիչ ունեցող հանրակրթական ուսումնական հաստատությունների համար՝ միանալու և փորձարկելու «Արհեստական բանականության սերունդ» դպրոցական երաշխավորված ծրագիրը։ «Արմենպրես»-ի փոխանցմամբ՝ մրցույթի արդյունքում կընտրվեն ծրագրի չափանիշներին համապատասխանող մայրաքաղաքի ու մարզերի տասն ավագ դպրոցները, որոնց աշակերտները հնարավորություն կունենան ուսումնասիրել խորացված մաթեմատիկա, ծրագրավորում՝ Python լեզվի հիման վրա, արհեստական բանականություն՝ ընդհանուր և խորացված ծրագրով, իրականացնել պրակտիկ նախագծեր ԱԲ ոլորտում և կուտակել կրեդիտներ բարձրագույն ուսումնական հաստատություններ փոխարկելու համար։