Իրավապաշտպան Ռուբեն Մելիքյանը մանրամասներ է հայտնել «Որդիների կանչ» ՀԿ–ից զոհված զինծառայողների հարազատների ձերբակալման մասին։ Ուղիղ եթերում իրավապաշտպանը պատմել է, որ ընդամենը կես րոպե է ուշացել, սակայն զոհվածների հարազատներին արդեն իսկ ձերբակալած են եղել Աշոտ Փաշինյանին իբրև առևանգելու հիմքով։ Նա նշել է, որ հասարակական կազմակերպության գրասենյակի մոտ մեծ թվով կարմիր բերետավորներ ու քաղաքացիական անձինք են եղել։ Ներկա են եղել նաև լրագրողներ, որոնք հավանաբար արձանագրել են ձերբակալման պահը։