ՀՀ-ում ԵՄ պատվիրակությունը հաղորդագրություն է տարածել, որում, մասնավորապես, ասված է. «Այսօր Արամ Խաչատրյանի տուն թանգարանում տեղի ունեցավ 2023թ․ Եվրոպայի օրվան և Եվրոպական միություն-Հայաստան հարաբերություններին նվիրված մամուլի ասուլիս։ Եվրոպական միության պատվիրակության ղեկավար, դեսպան Անդրեա Վիկտորինը, Հայաստանի Հանրապետության արտաքին գործերի նախարարի տեղակալ Պարույր Հովհաննիսյանը և Հայաստանում Շվեդիայի արտակարգ և լիազոր դեսպան Պատրիկ Սվենսոնը հանդես եկան հայտարարություններով և պատասխանեցին լրատվամիջոցների հարցերին։ 2023թ․ փետրվարին Շվեդիան ստանձնել է ԵՄ խորհրդի նախագահությունը և միանում է Եվրոպայի օրվա տարեկան տոնակատարության կազմակերպմանը: