Ապրիլի 24-ից գրեթե մեկ շաբաթ անց իշխանական քարոզչամեքենան հերթական արշավն է սկսել ՀՀ երրորդ նախագահ Սերժ Սարգսյանի դեմ։ Քարոզչամեքենայի կարկառուն ներկայացուցիչներից մեկը՝ Հայկ Թորոյանն օրերս իր ֆեյսբուքյան էջում Սերժ Սարգսյանի՝ Ծիծեռնակաբերդ կատարած այցից լուսանկար է հրապարակել, որտեղ կարմիր օղակի մեջ են առնված, ըստ տեղեկությունը տարածողի՝ նախագահի անվտանգության աշխատակիցները։ Լուսանկարին կից գրառմամբ հեղինակը նախկին նախագահին մեղադրում էր հարկատուների փողերը մսխելու մեջ։ Ըստ Թորոյանի հիմնավորման՝ նախկին նախագահն այժմ որևէ պետական պաշտոն չզբաղեցնելով հանդերձ 7 թիկնապահ ունի, ովքեր վճարվում են պետական բյուջեի միջոցների հաշվին։