«Հրապարակ օրաթերթը» գրում է․ Կառավարության այսօրվա նիստում քննարկվելու է «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարելու նախագիծը։ Այդ փոփոխություններով առաջարկվում է բարձրացնել Քննչական կոմիտեի ինքնավար պաշտոններ զբաղեցնող անձանց, այսինքն՝ քննիչների, այդ թվում նաեւ ՔԿ նախագահ Արգիշտի Քյարամյանի ամսական վարձատրությունը։ Առաջարկվում է նրանց ամսական հավելավճար տրամադրել պաշտոնային դրույքաչափի 92 տոկոսի չափով։