Այն, ինչ կատարվում է գեներալ Գրիգորի Խաչատուրովի շուրջը, պատահական պրոցես համարելը ուղղակի միամտություն է։ Գրիգորի Խաչատուրովի իրավունքների պաշտպանության նախաձեռնության անդամների ասուլիսի ժամանակ այս հայտարարությունն արեց նախաձեռնության անդամ, թուրքագետ Ռուբեն Մելքոնյանը։ Այս մասին տեղեկանում ենք Sputnik Արմենիայից։ Ավելի վաղ հայտնել էինք, որ ստեղծվել է գեներալ-մայոր Գրիգորի Խաչատուրովի իրավունքների հանրային պաշտպանության նախաձեռնություն, որը կազմված է 12 անդամից։ Ըստ Մելքոնյանի` Խաչատուրովի կալանավորման հարցը պետք է դիտարկել երեք ոլորտում` գիտական, կրթական և սիմվոլիկ։