Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը հրատարակել է Ս. Գրիգոր Նարեկացու «Մատյան ողբերգության» աղոթամատյանի` Միսաք Գոչունյանի (Քասիմ) կողմից կատարված աշխարհաբար (արևմտահայերեն) թարգմանության երրորդ վերահրատարակությունը: Այն առաջին անգամ հրատարակվել է Կոստանդնուպոլսում 1902 թվականին և «Նարեկ»-ի աշխարհաբար առաջին արձակ ամբողջական թարգմանությունն է: Այս մասին տեղեկանում ենք Մայր Աթոռի տեղեկատվական համակարգից։